| 1. Ad honorem veris (choliambi) Iterum novum ver, etsi adhuc nivis pulver hiemis cadaver hic illic tegit canum, rubeum papaver etsi longe abest, at ver iam commovet Vergilium et afficit Ianum. date carmen et tus, tibiae sonet cantus, torrens cui altus voces addat hydrauli. iam sanguis intus accelerat suos motus, sol nuper ortus gloriam refert auri. nunc mens febrilis trepidat in lyrae filis et in papillis virginum. calor dulcis insurgit illis. sentit ver pecus vilis et qui vir habilis pascit vomerem in sulcis. |
|
| 2. Cum cuculus
cuculat (hendecasyllabi) Cuculus cuculat foris acutus; cuculus cuculat foris acutus sub culta cute sub subuculaque. cultros sentio acus acus acusque. acutus cuculat foris cuculus; acutus cuculat foris cuculus. guttur stringitur. intrat atque dulcor in cor fervidus et repente ego uror. uror, uror. cuculus cuculat foris acutus; cuculus cuculat foris acutus. mille basia amoris atque ludum, mille basia amoris atque ludum affer bella mihi tuumque hoc unum, acer cum cuculat foris cuculus; acer cum cuculat foris cuculus |
|
| 3. De
lepida Ariadne et ariete (epitriti) Ludunt et hilare gramine in a- prico ioca iocantur tenera cornutus aries virgo et Ari- adne lepida. heia lepida. dum molle digitis vellus Ari- adne lepida mulcet, in ani- mo, quantum hieme lanae fuerit expers numerat, heia numerat. at bestia ferox gestit ari- es et genua lascivus Ari- adnes petit et inter femina cornu tuditat. eia tuditat. Heia. |
|
| 4. Carmen pluvium (choliambi) Pluit pluitque. iam rosae madent rore ||: et nectar, o puella, :||: in tuo est ore. :|| Pluit pluitque. non legunt apes mella. ||: at basiamus, bella, :||: te sub umbella. :|| |
|
| 5. Adversus culices (paroemiaci) Culices strepitant male, o di! fugit hora dicanda sopori. fugit una, duae, fugiunt tres: pereant, mala bestia, culices! O. hominis pupugisse manus os, pecus insipidum, pudet an vos! iaceo sed inermis et exspes: pereant, mala bestia, culices! nec amore licet mala noctis, o reparare, furens sonat hostis, o fugitat veneres quoque dulces: pereant, mala bestia, culices! O. capitisque salute laboro, fer opem, bone Iuppiter, oro, cape fulmina, fulmine vinces: pereant, mala bestia, culices! O. |
|
| 6. De tubarum
clangore (enoplii) Vocant clangore tubae et longe trepidat vox. abeo. redeamne umquam? abeo. redeamne umquam? vale, puella, vale, puella mea bella puella, vale. vale, puella, vale, puella mea bella puella, vale. Instat nunc longa via. monstrabit iter nobis hirundo vibrans alas hirundo vibrans alas vale, puella, vale, puella mea bella puella, vale. vale, puella, vale, puella mea bella puella, vale. Quis scit an iterum veniam? reditura beatane sint haec tempora haec tempora quae fuerant. vale, vale, mea bella puella vale. vale, vale, mea bella puella vale. Quidquid sors nobis tribuit, quidquid sors nobis tribuit, feramus. patiendumst. feramus. patiendumst. nam viximus, nam viximus atque satis, atque satis. vale, vale, vale, vale, vale, vale, mea bella puella, vale. |
|
| 7. Cum tibia
canit Iulia (dochmiaci) Stat puella bella atque tibia canticum canit Iuli- Iulia. vox in area splendet aurea et stupent aves et vir in via, cum puella pul- chella tibia canticum canit Iuli- Iulia. O Iuli- Iuli- Iulia. cantat suave tibia. o Iuli- Iuli- Iulia, dulcia sunt tua basia. o Iuli- Iuli- Iulia, cantat suave tibia. o Iuli- Iuli- Iulia, dulcia sunt tua basia. Iulia, Iulia, basia, basia, o. Iam sonus vibrans intrat ilia. tibia canit Iuli- Iulia. gaudio mihi cor citum salit. inquietus et pes solum ferit, cum sonus vibrant intrat ilia tibia canit Iuli- Iulia. O Iuli- Iuli- Iulia eqs. |