(Chor) In vernalis temporis   ortu laetabundo
dum recessum frigoris   nuntiat hirundo
terrae maris nemoris
decus adest deforis   renovato mundo
vigor redit corporis
cedit dolor pectoris   tempore iucundo.

Eia ver!

Terra vernat floribus   et nemus virore
aves mulcent cantibus   et vocis dulcore
aqua tempestatibus
caret aër imbribus   dulci plenus rore,
sol consumptis nubibus
radiis potentibus   lucet cum calore.

Eia ver!